Dapi ch'il rumantsch è sa manifestà sco lingua uffiziala è il dumber da texts administrativ-giuridics creschì succesivamain. Quests texts cuntegnan ina ritgezza immensa da material linguistic ed istoric-cultural per la regiun rumantscha.

Il tom Fontaunas da dretg romontschas ch'è cumparì en la retscha da la Romanica Raetica cumplettescha la collecziun da funtaunas da dretg rumantschas ch'èn vegnidas stampadas dapi il 1965. La stampa è vegnida realisada da la Societad Retorumantscha sin iniziativa da Martin Bundi ch'è er stà responsabel per la redacziun.

Il Register da las Fontaunas Online sco index electronic accumpogna la publicaziun en furma da cudesch.

Utilisai per Vossa retschertga ils menus qua sura... Cuntegn | Artitgels | Index

Perquai che las Fontaunas da dretg romontschas n'èn betg vegnidas digitalisadas na stat il text betg a disposiziun en furma electronica.
Er cun l'agid dal Register da las Fontaunas Online ston ins la finala consultar il cudesch per guardar tge che l'artitgel giavischà cuntegna effectivamain.
Quel po vegnir retratg da l'Institut dal DRG.

Fontaunas da dretg romontschas
ROMANICA REATICA 17
Redacziun e preparaziun Martin Bundi
Ediziun Societad Retorumantscha.
Pretsch CHF 59.00 (excl. spediziun).