Agid per l’utilisader

Las suandantas funcziuns da tschertgar stattan a disposiziun:

  • Tschertgar artitgels: permetta da tschertgar singuls artitgels da las Fontaunas da dretg romontschas en la banca da datas. Ins po scriver in chavazzin en il champ da tschertgar e cliccar sin il buttun tschertgar. Il chavazzin vegn alura tschertgà en ils titels dals artitgels ed en las curtas explicaziuns davart il cuntegn da quel (p.ex. endatar „crim“ e cliccar il buttun tschertgar mussa tut ils artitgels che cuntegnan en il titel u en il cuntegn il chavazzin „crim“).
    Attenziun: ils titels èn scrits en in idiom, per part er en furmas veglias da l’idiom.
  • Tschertgar en l'index: permetta da tschertgar en l’index da la banca da datas. Ins po tschertgar en la colonna temas (RG) cun in chavazzin en rumantsch grischun, en la colonna Themen (DE) cun in chavazzin en tudestg u en la colonna chavazzins. La colonna chavazzins cuntegna endataziuns en rumantsch grischun ed en ils idioms. (p.ex. endatar tar chavazzins „selvaschina“ e cliccar il buttun tschertgar mussa tut ils artitgels che cuntegnan en la colonna chavazzins „selvaschina“). En la colonna chavazzins pon ins tschertgar nums da persunas (p.ex. Decurtins), nums da lieus (p.ex. Tinizong) ed annadas (p.ex. 1925).
    Attenziun: la colonna chavazzins è scritta en rumantsch grischun u en in idiom, per part er en furmas veglias da l’idiom.
  • Remartga: La scripziun cun bustabs gronds u pitschens n'è betg relevanta tar la retschertga.

Ils resultats vegnan preschentads en furma da glista. Cun cliccar sin in element da la glista, cumparan ils detagls respectivs.

Sche Vus avais difficultads cun utilisar il Register da las Fontaunas Online, ans contactai per plaschair. Cun il formular da contact ans pudais Vus communitgar Vossas propostas (ideas, criticas, correcturas, agiuntas euv.) per optimar il Register da las Fontaunas Online.